求意見- 關於IB國際 vs. PIS (VSA)

poonseelai

sabsab122 發表於 26-1-3 08:33
明，我一開始都覺得PYP 好虛太過理想化，而家讀咗幾年都開始知道想點，PYP 着重培養跨科知識運用係幾好， ...

我係“0”介入, 只提供書

一路讀上去老師要求會唔同, 唔會去到myp才突然改變, 我知道subject teachers 會定期開會, 當然每個老師也有自己風格, 未必夾到每個學生或家長要求

Radiomama

964000 發表於 26-1-3 11:20
好多學校keep住IGCSE因為方便有啲人會轉考A level. 另外IGCSE本身不太深，淺過會考，以foreign language  ...

同意啊，好多時候人都會覺得人哋好啲、隔離飯香啲；所以如果可以學習多欣賞自己所擁有嘅、並且加以善用，咁不失為一個優勢。

我也聽過ESF中學的家長埋怨IGCSE令他們的孩子chur亁咗，上到Y12即DP第一年想休息一下，不過DP課程緊湊，令佢哋唔夠時間抖。

我經歷咗MYP的好，鍛鍊思考、分析和表達，但因為無乜考測經驗，所以自修一些Igcse科目，再去hea hea地參加考試；又因Covid 時期無所事事，所以自修AP科目，加強基礎知識。

最重要嘅係睇清楚自己孩子需要啲乜。

「路路」

sabsab122 發表於 26-1-3 08:33
明，我一開始都覺得PYP 好虛太過理想化，而家讀咗幾年都開始知道想點，PYP 着重培養跨科知識運用係幾好， ...

針無兩頭利，所以若果想學術根基紮實、又想培養小朋友由細著重思考同邏輯探究等等，可能要讀2間唔同教育模式嘅學校先搞得掂咁 我唔知大家點樣理解或者定義學術根基紮實，假如用IBDP成績去做評核，自己由細接觸過嘅學生，可以從小學無甚特出嘅表現：average/below average，一直上到IGCSE先開始發力考到10A*，然後IBDP 中文爭少少，差1分做唔到狀元，不過睇得出佢同父母都好滿意最後呢個結果；因為見過好多相似例子，所以我覺得細個時唔需要刻意去死谷/爛谷，好多時到左合適嘅年紀，佢哋自自然然就會做到（如果行Local嘅模式應該堅持唔到）。

語文嘅講大量閱讀已經係最好嘅「老師」，真係唔需要擔心，除非係睇公仔圖案多過文字浸多幾年，好快寫作仲好我哋呢啲大人。

beastiebistro

其實只能夠講，每個制度都可以有成功／失敗例子，每個制度都有取捨，每個制度都有合適嘅家長／小朋友／環境。

重要嘅係揀之前盡量了解，揀咗之後就應該盡力擁抱。下下懷疑，左轉右轉其實反而會累事。除非有嚴重問題，應該堅持...

mandy_ng207

我仔現在MYP第一年
本身MYP已經無乜standard教材可以跟
老師又放晒手比學生（功課是否欠交都不會通知家長）
我欲跟無從
擔心阿仔學唔到佢應該學識嘅嘢
各位有孩子讀MYP的家長可否分享經驗？謝謝～

sabsab122

Radiomama 發表於 26-1-3 13:38
同意啊，好多時候人都會覺得人哋好啲、隔離飯香啲；所以如果可以學習多欣賞自己所擁有嘅、並且加以善用， ...

其實我想問….IB學校係點樣一路行MYP, 一路prep IGCSE？
MYP 科目同評核標準同GCSE 好似都幾唔同？
還是學校淨係教MYP, 完全唔教GCSE ,
淨係幫你報名考，學生自己返屋企操past paper？

Radiomama

sabsab122 發表於 26-1-5 15:55
其實我想問….IB學校係點樣一路行MYP, 一路prep IGCSE？
MYP 科目同評核標準同GCSE 好似都幾唔同？
還是學 ...

我哋在MYP時，其實都有買Igcse的textbooks, 不過未必跟住教啫。咁學生自己可以攞嚟自學，也有學生搵補習幫手，在Y9左右就會開始考一兩科。無話要full cert, 純粹睇下個細路嘅水平。

Radiomama

sabsab122 發表於 26-1-5 15:55
其實我想問….IB學校係點樣一路行MYP, 一路prep IGCSE？
MYP 科目同評核標準同GCSE 好似都幾唔同？
還是學 ...

考試都係自己報，學校唔會理你。

rabbitsecret

回覆 beastiebistro 的帖子

認同，你睇返vsa平均分一樣係有一班人係讀唔到書㗎，講緊vsa 係由pn 已經開始selective我朋友小朋友由PN開始讀Victoria,而家vsa中學係要入remedial class

唯一認同係vsa 校風比較嚴，染髮都唔俾

sabsab122

多謝各位前輩的高質素回覆。其實我一直都未諗通，
究竟應該係比空間孩子留力遲啲考公開試先發力（留在happy 環境如ESF) 定從小喺培養良好習慣和抗壓能力(VSA 這種有中式vibe 嘅教育）好D?
因為我個小朋友剛巧就係一半一半，係讀到書但係抗壓能力差，而且行為好受環境同埋朋輩影響。
前者好似好難控制小朋友去到公開試時會否發力….？又正如樓上有位家長問，究竟點樣睇小朋友MYP 時要學嘅嘢有冇學得識？

我覺得兩種做法都好似好有道理唔知應該咩方向諗，請賜教。

beastiebistro

sabsab122 發表於 26-1-5 23:17
多謝各位前輩的高質素回覆。其實我一直都未諗通，
究竟應該係比空間孩子留力遲啲考公開試先發力（留在happy ...

如果你要好實在咁掌握你小朋友喺每個階段學咗啲咩，識啲咩，咁個人認為「你」可能唔適合做IB（PYP／MYP）小朋友嘅家長。呢啲階段，難免冇咩實質結果可以印證，咁你只會不停囉囉攣、不停懷疑自己懷疑小朋友懷疑學校。

我都係覺得，你要揀IB，就要擁抱制度。要懷疑就不如揀第二條路。

sabsab122

beastiebistro 發表於 26-1-6 09:07
如果你要好實在咁掌握你小朋友喺每個階段學咗啲咩，識啲咩，咁個人認為「你」可能唔適合做IB（PYP／MYP）小 ...

我明PYP 係冇測驗考試，小學階段我對小朋友嘅期望就只係喜歡學習，多閱讀，自信。
所以我先覺得留ESF 其實都OK，但同時亦了解緊VSA 會否更加好？


但係正如樓上有家長問，
都讀到MYP 最後一年，但仍然唔知點睇孩子是否跟得上？

所以，我只是在問大家係點樣睇高年級中學生跟唔跟到MYP?

beastiebistro

sabsab122 發表於 26-1-6 10:13
我明PYP 係冇測驗考試，小學階段我對小朋友嘅期望就只係喜歡學習，多閱讀，自信。
所以我先覺得留ESF 其實 ...

我明呀。

我利申我就係清楚了解IB PYP/MYP嘅設計所以我唔揀（因為我一早已經計劃咗初中送啲仔女去英國寄宿），所以我嘅係local school讀到中一然後直接去英國。條路都係GCSE／A level。

我嗰啲喺local school一樣好開心，老實講寫作能力比大部份國際學校生更強（唔關學校事，係我哋屋企嘅啟發），但係我就了解每個階段嘅進展。

其實我唔應該喺度多嘴，因為我唔係IS用家。雖然我當年度都係因為了解而唔揀VSA...

964000

sabsab122 發表於 26-1-6 10:13
我明PYP 係冇測驗考試，小學階段我對小朋友嘅期望就只係喜歡學習，多閱讀，自信。
所以我先覺得留ESF 其實 ...

我相信IB小學都會有standard test? 我聽過ESF都有，跟英國小學standard比較的，會出percentile，我女小學每年都做，家長會收到report.
其實小學的所謂「學術」主要是maths和eng。

964000

sabsab122 發表於 26-1-6 10:13
我明PYP 係冇測驗考試，小學階段我對小朋友嘅期望就只係喜歡學習，多閱讀，自信。
所以我先覺得留ESF 其實 ...

去到中學，就算讀MYP各科目也應該有測考和grading?

加樂爹

beastiebistro 發表於 26-1-6 09:07
如果你要好實在咁掌握你小朋友喺每個階段學咗啲咩，識啲咩，咁個人認為「你」可能唔適合做IB（PYP／MYP）小 ...

@樓主, 同意beastiebistro 咁講.
其實, 如果beastiebistro 分享下子女既成長, 佢唔會淨係同你講子女成績, 小學又點, 中學又點...

子女成長, 包括左好多既野, 都不在一份成績表上.

好多野可以令你喜, 亦令你憂...
好既溝通, 多觀察, 培養好的性格, 你就"掌握"到子女成就.

既然樓主信有後續發力, 為什麼急在一時呢?

//就要擁抱制度// 是對的, 跟學校多溝通亦是需要的.

poonseelai

964000 發表於 26-1-6 10:35
去到中學，就算讀MYP各科目也應該有測考和grading?

有assessment 亦有上下學期report card, vsa year 6係myp 第一年, 記得year 5時老師也會提醒myp要求唔同㗎啦, 每年亦有3次（如無記錯）見老師日子, 上網book見每科老師時間, 其實唔會完全唔知進度

poonseelai

964000 發表於 26-1-6 10:32
我相信IB小學都會有standard test? 我聽過ESF都有，跟英國小學standard比較的，會出percentile，我女小學 ...

vsa校內無測考, 我孩子year 4起會參加international school assessment 中eng and math assessment, 每人有自己成績, 對比全球参與學生的位置, 作個參考

poonseelai

sabsab122 發表於 26-1-6 10:13
我明PYP 係冇測驗考試，小學階段我對小朋友嘅期望就只係喜歡學習，多閱讀，自信。
所以我先覺得留ESF 其實 ...

做家長都係摸著石頭過河咁, 見步行步, 你孩子咁細怎會估到到考公開試時會怎樣？

我自己當年選校好簡單：

1. 選學制 - 當年香港ib仍未盛行, 維記考慮會否引入ib, 安排ibo代表講解下, 聽完都係得個概念, 但個人相信skills係重要嘅, vsa 有安排coffee mornings 比家長了解多D, 我盡量去

加上唔想孩子成為dse頭十年的白老鼠

2. 重視中文 - 因此當年無考慮過IS

我孩子無讀過esf, 唔識比較, 至於壓力, 完全避免亦未必係一個好方法

加樂爹

sabsab122 發表於 26-1-5 23:17
多謝各位前輩的高質素回覆。其實我一直都未諗通，
究竟應該係比空間孩子留力遲啲考公開試先發力（留在happy ...

十個家長, 有十個不同看法, 我只分享對以下你說的學習要求, 亦是煩惱所在:

// 多謝各位前輩的高質素回覆。其實我一直都未諗通，
究竟應該係比空間孩子留力遲啲考公開試先發力（留在happy 環境如ESF) 定從小喺培養良好習慣和抗壓能力(VSA 這種有中式vibe 嘅教育）好D?
因為我個小朋友剛巧就係一半一半，係讀到書但係抗壓能力差，而且行為好受環境同埋朋輩影響。
前者好似好難控制小朋友去到公開試時會否發力….？又正如樓上有位家長問，究竟點樣睇小朋友MYP 時要學嘅嘢有冇學得識？//

我覺得樓主對現今教育存有舊思想, 或者根本是個人的纏結:

1. 考公開試先發力?   
其實現今學習模式是整體過程, 亦不限於課本, 不限於考卷了, 所以不在要留力到中學先發力.
平時做好, 有良好的學習態度, 有良好的習慣, 不限在學校課程內, 就是很好的基礎了.  愉快學習...要學習 VS 不愉快? 根本不需要放在對立面.
不愉快是因為不學習, 太多測考, 又跟不上成績.
要評估的是學校那一套課程是否有序學習, 是否合適測考.

2. 培養良好習慣?
習慣包括引導個性, 不單在學校學習, 沒有一定說好及不好, 但基本上有責任心, 禮貌, 同理心...等, 可以由多方面學習, 包括家庭內.   現代的教育, 跟從前要求個個乖, 靜, 聽話順從是不同了.  

3. 抗壓能力?
你想學校比什麼壓力, 現代的教育理念是從讚賞, 實踐, 尊重去加強孩子自信, 不是靠每個星期默幾次書, 測考越多就代表子女越勁.  放膽的表達, 開心樂觀的處理事情, 懂分享幫助是現代教育的方向.  不要聽人說你學校測考小, 就代表日後孩子不受壓....聽落都好笑.

4. 學嘅嘢有冇學得識
其實, 現代的教育是講求"自主學習", 不是讀晒校本範圍, 佢攞99分, 你要攞99.5分.
IS 學校提供比你地空間, 唔係放養你, 而係除左線性去比好成績外,  個人對事物的投入, 興趣不就是"自主學習"的原材料嗎?  "自主學習" 究竟學得幾好, 不是靠一份考卷去評論.  這是需要時間, 需要鼓勵, 需要定目標實踐....更需要時間!

5. 行為好受環境同埋朋輩影響
跟#2 有點關係, 現今細路好叻, 細個守規舉, 大個家長又嫌佢太靜; 玩手機又擔心沉迷, 唔玩又無話題; 同學間爭吵, 最驚家長太認真....
其實係social life 黎架, 唔好淨係用家長自己標準, 應該放眼睇下其他學校, 其他細路係點先有個概念, 再問下學校老師, 社工, 人地可能見cases 多, 可以比你更客觀既意見.

總結, 其實了解一間學校是否合適, 不就是上面的問題, 從學校的簡介內找答案嗎?
又深入D講, 教育理念, 不就是講緊學校點去理解以上問題嗎?

坦白講, 不是每間學校校長都答得上上面問題, 我意思是我從學校的制度做法, 能看到他可以配合得到以上辦學理念.  由這個角度看, 了解多些現代的教育方法, 你就不會只睇學制, 只睇banding, 只講子女個性受唔受壓 (個個都話唔受壓架啦, 可能著一半原因係唔教), 並且之後可以配合到學校去教導子女.


所以beastiebistro 講既 "擁抱學校制度" 我覺得有理, 因為佢應該在起始已經做足左功課.